სერვისი

ტესტ დრაივი

დაგვიკავშირდი

TEL: +995 32 2 292 000

News Landing Image დიზაინი გამოხატავს მომავალს
ინსპირაცია, გამხდარიყო დიზაინერი 13 წლის ასაკში, ერთ-ერთი მასწავლებისგან მიიღო. ამ დროიდან მოყოლებული ის სწავლობდა დიზაინს. 1998 წელს გაიმარჯვა იაპონური კორპორაციის მიერ დასპონსორებულ  შეჯიბრში. იაპონიაში მიწვევამ გარდამტეხი როლი ითამაშა მის კარიერაში.

პირველი ვიზიტის შემდეგ, ის დაბრუნდა გაერთიანებულ სამეფოში და განაგრძო მუშაობა  დიზაინერულ კომპანიაში, მაგრამ იაპონიაში მიღებული დაუვიწყარი გამოცდილების გამო, 1989 წელს ის დაბრუნდა და შეუერთდა დიზაინერულ კომპანია Nagoya-ში, სადაც მუშაობდა ექვსი წლის განმავლობაში. ამ დრომდე მისი პროფესია პროდუქტის დიზაინერობა იყო, თუმცა Humphries-ს ყოველთვის სურდა ეცადა მანქანების დიზაინი. მიუხედავად საავტომობილო სფეროში გამოუცდელობისა, 1994 წელს Toyota-ამ ის გუნდში მიიღო. ამ დროს Toyota-ს დიზაინერების გუნდში არ იყო არცერთი უცხოელი დიზაინერი.

ამჟამად Humphries იზიარებს ორ ხედვას: კომპანიის მიმართულებას, რაშიც ითვალისწინებს Akio Toyoda-ს მოსაზრებებს და მეორე მომხმარებლის შეხედულებებს. მისი თქმით, დიზაინერის სამუშაო სწორედ ორივე მხარის ანალიზის საფუძველზე მესიჯის ჩამოყალიბებაა.

იგი აღნიშნავს, რომ Akio Toyoda-ს აქვს ხედვა, რომელიც გუნდს მიმართულებას აძლევს და დიზაინერების უმთავრესი ამოცანა ამ მიმართულებისთვის ფორმის  მიცემაა. მნიშვნელოვანია დიზაინერებს  შეეძლოთ მომავლის ვიზუალიზაცია კომპანიის სტრატეგიის, მენეჯმენტის მიზნებისა და ბაზრის მოთხოვნების გათვალისწინებით.

მისი თქმით Toyota-ს მთავარი მიზანია თითოეული მანქანა მომხმარებლისთვის იქცეს უნიკალურ გამოცდილებად და თავი ბედნიერად იგრძნოს ავტომობილის არჩევით. მიუხედავად განსხვავებული ღირებულებებისა, Toyota მათ ოპტიმალურ გადაწყვეტილებებს სთავაზობს. Humphries ამას იაპონურ მეთოდოლოგიას უწოდებს.

მას მოყავს ლუდების მაგალითი , როდესაც ერთიდაიმავე ბრენდის ლუდი იყიდება სხვადასხვა ზომის ბოთლებში 1ლ, 500 მლ, 350 მლ და ყველაზე პატარა 135 მლ. ამის მიზეზი ის არის, რომ ყველა მათგანს თავისი მომხმარებელი ყავს.

სწორედ ამიტომ, Toyota-ს დიზაინერები იკვლევენ მომხმარებლების მრავალფეროვან მოთხოვნილებებს. ის არ არის კომპანია, რომელიც აწარმოებს მხოლოდ მისთვის სასურველ ან ბაზრის კვლევის შესაბამის მანქანებს. Akio Toyoda-ს აქვს სასიცოცხლო მნიშვნელობა ბალანსის შესანარჩუნებლად მანქანის მიზანმიმართული წარმოების ხელშეწყობისა და მარკეტინგის შეფასებას შორის. ყოველივე ეს შესაძლებელი გახდა ავტომობილების წარმოების რეფორმით Toyota New Global Architecture-ში (TNGA), რომელიც მისდევს როგორც მუდმივად უკეთეს დიზაინს, ასევე ინჟინერიას. კომპანიის თანმშრომლებისთვის ძალიან მნიშვნელოვანია, რომ Akio Toyoda მხოლოდ კომპანიის ხელმძღვანელი არ არის. 

 Humphries -მა აღნიშნა, რომ კარგია მკაფიო პასუხების არ არსებობა. Toyota-ს დიზაინები იდეების მუდმივი გაცვლის შედეგად იქმნება. მისი თქმით, დიზაინი ასახავს მომავალს. იმ წუთიდან როცა მანქანა სამყაროში აღმოჩნდება, ის უკვე წარსულის საგანია. დიზაინერებმა ნამუშევარს კრიტიკულად უნდა შეხედონ და აღმოაჩინონ გაუმჯობესების გზები. წინააღმდეგ შემთხვევაში ისინი ვერასდროს გადადგამენ წინ ნაბიჯს და Toyota-ს მანქანის დიზაინის სახალისო ნაწილიც სწორედ ეს არის.
phone number
Loading...